蕃茄豆腐香菇蛋花湯

平日放工番屋企煮飯，真係無咩時間煲老火湯架！咁不如滾番個營養豐富嘅蕃茄豆腐香菇蛋花湯啦！低脂肪嘅豆腐含豐富蛋白質，蕃茄含抗氧化嘅茄紅素，配合香菇同雞蛋，好開胃架！可以當做打邊爐湯底~

材料 (四人份)： 蕃茄 2個 豆腐 1塊 鮮冬菇 6粒 雞蛋 2隻

調味料： 鹽 適量

做法： 1. 蕃茄洗淨切粗塊，備用。

2. 鮮冬菇洗淨及切片。

3. 雞蛋攪拌成蛋汁。

4. 豆腐切粒。豆腐切粒後容易出水，可於下滾水時才切好。 5. 煲滾開水，加入蕃茄、鮮冬菇，大火燒至水開，然後加入豆腐，煲15分鐘。

6. 加入適量的鹽調味，關火，馬上將蛋汁淋到湯內，用湯勺或筷子輕輕攪拌，變成蛋花，即成。營養豐富的蕃茄豆腐香菇蛋花湯完成了！